خياااااااااااااااااااااانه

* خيااااااااااانه*******

موضوعى المره دى جد مش دمه خفيف ورايق زى كل مره وزى ما انتوا متعوديين منى بس هو مهم اوى اوى وكان لازم يتعمله موضوع من زمان


الخيانه
هى اتوجدت على الارض عشان نعرف منها معنى الوفاء

اتكلمت كتير قبل كده فى مواضيعى ازاى انك تكونى انثى وتكونى دلوعه وتكونى دايما قادره انك تملى عينه وحضنه وقلبه ............ ده الترتيب المنطقى لحب الرجل


طب عملنا كل ده ولسه المزغود بيخون او بيفكر يخون او نفسه ومنى عينه تيجيله فرصه ويخون .........نعمل ايه بئا فى الراجل ده


حنفكر وندور على الاسباب بعيدا عن انك تكونى انتى سبب فيها

انتى عملتى ال عليكى وزياده ومش حقولك ولا حعتبك ان فى خلل منك

حندور سوا ونفكر سوا ايه موضوع الخيانه ده ليه بئا تقريبا فى معظم البيوت ليه

حنتناقش فى الخيانه من جميع زوايها ونقفل عليها كده يمكن نعرف نطباء على نفسها ونخلص منها للأبد

نتفق الاول ان الخيانه ليها مفتاح ...... واذا كان مفتاح خيانه المراءه الانتقام

فا مفتاح خيانه الرجل الرغبه والرغبه فقط

ليه البيه ممكن يخون ...... حسباه بسيطه اوى

قله الدين +التربيه الغلط +موت الضمير +عدم أمانه +ضعف +نساء بلا اخلاق =خيانه

يبقى كده فى سبب دينى وعائلى وشخصى وبيولوجى كمان

حنتكلم فى كل التفاصيل وندور يمكن نعرف ليه الرجل بيخو ده فين جيل اهلينا جيل كان الراجل فيه راااااااجل بجد

ويارب يكون موضوع مفيد وممتع بالنسبه ليكوا زى مواضيعى الفاتت



نبتدى نحلل .......

وحنبتدى من اصعب نقطه فى وجه نظرى

ان الخيانه تكون بديل للطلاق ......ودى نقطه حساسه جداااااااا ومهمه جدااااااااااا
المشاركة الأصلية كتبت بواسطة ward blady
كتيييييير اوى رجاله بتكون حياتها الزوجيه ماتت وعشان الاهل والمجتمع والعيال واليله المعروفه عندنا كشرقيين

فالبيه بيأخد ده حل لعدم هد البيت وده من وجه نظره طبعا
لان الراجل بيفكر بالعموم مش بالعمق بتاعنا احنا النسوه

يعنى هو شايف ان ده الحل بس انتى شايفه ان ده الموت

فا حنقول 20% من الرجاله بيخونه عشان هما معتبرينها حق مسلوب او مش قادر يواجه
الظروف المحيطه بيه حتكون اقوى منه فبيأخد الحل الاسهل ويخون بمنتهى البساطه وللأسف النوعيه دى أخر حاجه بيفكر فيها مشاعر مراته لانها اصلا ملهاش وجود فى حياته

نوع تانى بتفكير تانى
الرجل بيخون عشان ينقذ حياته ومتستغربوش فيه نوع كده

بيخون عشان يكمل النقص ال فى حياته من وجه نظره هو بردوا
بمعنى انك زى الفل وشمعه منوره وهو بردوا بيدور على حاجه تانيه ممكن يكون هو نفسه مش عارف ايه هى
بس مازال البحث مستمر

وده بيكون مشتت المشاعر والتفكير كمان بمعنى ايه

انه بيحبك بس انتى فيكى 9 من 10 ناقصك واحد .....حروح اكمله من واحده غيرك وارجعلك
عشان بس اكون انا الرجل الانانى اوى .........مرتاح ومبسوط
وانا مبخونش انا بس عايز اكون سعيد ومرتاح

نوع تالت بتفكير انانى جديد اخر حاجه

انتى حبيبتى وروحى وقلبى ويسمعك اغانى محمد فؤاد كلها

وانتى فى الأمان والباشا فى التمام بره

تثبيت 10 /10 وخيانه 10/10 كفاءه فى التركيز ......مرونه فى الاداء ....... دكتوراه فى التنفيذ

وانتى طبعا تحلفى على الميه تجمد انه لا ممكن ابدا ابداااااااا يكون بيفكر يخون

واذ فجأتا تلاقى ربنا بعتلك الدليل وقالك
لو مكنتيش غاليه عندى مكنتش دليتك

ودى بتحصل كتيييييير عشان الست بتكون مظلومه اوى اوى وربنا ما بيرضاش بالظلم

طيب نكمل فى انواع الخيانه ..........

الخيانه النزوه ........ بمعنى مره واحده فى العمر

بيكون سببها ملل او مشاكل بينك وبينه مش شرط انتى سبب فيها ممكن يكون اهلك او اهله
وده بيخليه عايز يغير موده ويدخل فى مغامره جديده كده ترجعوا لاول احساس واول لمسه واول رعشه
بيكون رومانسى الرجل ده وبيكون كمان دايما عنده تأنيب ضمير وندم على ال بيعمله

وهنا بئا يجى دورك يا ريس
انك تقفلى عليه كل سكك الخيانه دى
وتحتويه ومن غير نقاش احتويه سمعانى
مش حيكررها تانى صدقينى

بلوبيف بلوبيف هههههههههه

ونكمل ..... الرجل ابو عين زايغه
كل شويه حكايه وكل يوميين فيلم جديد داخل فى بطولته
عايش فى دور احمد عز مش بتاع الحزب لاء بتاع السيما ههههههههه مع ان الاتنين عايشين حياتهم والله كلهما على طريقته الخاصه

كل شويه مغامره كل شويه موزه شكل ومفيش مانع يجمع بين كام واحده راجل ذواق
عارف ان كل ست ليها طعم ولون وريحه وهو يعز الفاكهه ويموت فى الكوكتييل

فى الغالب ده بيكون مريض اه والله مريض بمرض نفسى اسمه ((الدونجوانتيزم )) ده مرض نفسى بجد

بيكون صحبه هدفه الوحيد اسقاط اكبر عدد من النساء فى حبه وهو مبيحبش حد

متعته فى الصيد وكل ما كان عدد الواقعيين فى شباكه كتير كل ما كان ناجح فى حياته الزوجيه

له فى ذلك حكم

نصحتى ليكى فى كلمتين يمكن يوجعوكى بس لو ركزتى فيهم حتلاقيهم بيفوائوكى



اذا خانك جوزك اكتر من مره وانتى تأكدى من خيانته دى متضيعيش وقتك معاه تانى

وتقعدى تستفسرى وتستجوبيه ............ ليه ,,,,وعشان ايه ,,,,,,,,,, وبتعمل ده فيه انا كده ليه

متستنيش اجابه عارفه ليه لان خيانته ليكى هى الاجابه
.................................................. .................................................. .....

يبقى كده توصلنا لانواع الخيانه المختلفه للراجل

وكل الانواع دى انتى مش طرف فيها .....يعنى انتى مش مقصره فى اى هفوه فى حياته والعيب فيه هو

طيب اخر نوع فى الخيانه وطبعااااااااااااااااا ناس كتير حتعارضنى وبقوه

وهو خيانه الرجل بجوازه التانى واحتمال التالت كمان

انا عارفه فى الدين والشرع الحمد الله ال ممكن يكون فى غيرى ميعرفوش وعارفه ان ربنا أمر بالزواج مثنى وثلاث ورباع

وان الراجل ال على دين وخلق بيفكر فالجواز على طول من غير سرمحه شمال ويمين لانه بيخاف ربنا

طيب انا بقا فى النقطه دى بالذات عايزه اققول فيها كلمتيين محشوريين فى زورى والموضوع موضوعى وحتستحملونى بالعافيه هااااااااااا

لاء بجد كتير اوى ستات بتدخل تعارض اى موضوع بيتكلم عن الجواز ويقولوا يعنى يعمل الحرام وانتى تكونى سبب فيه ولا يعمل الحلال وانتى تأخدى ثواب عليه

واحده بئا فيكوا تكلمنى عن نفسها هى لما بيحصل فيها ده لما بتقدمله عمرها وشبابها واخلاصها وحبها وخدها ال فضل سنين معموله مداس وفى الاخر بكل انانيه هو الداس عليها وعلى كل ما فيها عشان مزاجه الشخصى وفراغه عينه

متقوليليش انا مبسوطه وربنا يسعده انتى كدابه مفيش ست على وجه الكون تتحمل ده مفيييييييييييييييييييش

عارفه ليه لانك عارفه اكتر منى ان مفيش راجل بيعرف يعدل دى قاعده ومتناقشنيش فيها


اشرف الخلق عليه افضل الصلاه والسلام معدلش فى مشاعره وكان بيستغفر ربه كتير واحنا كلنا عارفيين

لان قلبه كان مع ستنا عائشه وهو متزوج من غيرها لكن هى كانت ملياه

جوزك احسن من رسولنا عليه الصلاه والسلام .........منتقيا لاء

عشان كده ربنا قال ايه وان خفتوم الا تعدلوا ......... فواحده تكفى ....... ودى بقا هما ما بيحبوش يجو جمبها بيأخدوا اول الأيه ويسيبه بئتها عشان مش فى مصلحتهم

متضحكيش على نفسك ولا علينا الجواز التانى اكبر خيانه .........خيانه بتكسر ظهرك

عارفه ...........لما الواحده مننا بتسمع عن انسانه اتخانت اودامها ...... بتتعلم

...............ولما بيخونك حد قريب صحبتك او قريبه ليكى ..........بتتوجعى اوى

.............. بس لما يخونك حبيبك وجوزك واقرب خلق الله ليكى ......... بتنتهى

دى كلها احاسيس انا فى يوم حستها ......على فكره مش بكتبها وانا فى كوكب تانى

المشاركة الأصلية كتبت بواسطة ward blady
طيب نصيحه لوجه الله للبنات الغلابه ال لسه مدخلوش دنيا واحنا عقدناهم فى عشتهم من الجواز والرجاله

بصى يا بنتى ......... مبدائيا كده ابعدى عن انواع الرجاله دى ........

القطه المغمضه ...... ال ملوش فى حاجه وانتى اول بخته ومعرفش ومحبش بس مش عشان بيخاف ربنا ولا عشان على نياته ......... لاء عشان هو محترم واتربى على احترام نفسه وان كل البنات اخواته وعيب يعمل كده فى بنات الناس ويعرف ويصاحب والجو ده

ليه دا لاء ......... عشان حضرتك حتكونى فاتحه خير عليه ................أن شاء الله

انتى الاولى بس مش حتكونى الاخيره لان الباشا مش عاش مراحله عمره بشكل صحيح ومرحله المراهقه حيعشها على حسك ان شاء الله ......... فنصحتى ليكى ابعدى عن الصنف ده لانه حيخون وبشراهه
لانه اتحرم فى صغره وحيحب يعوض ده فعشان متعيش فى عذاب وتئنيب ضمير ابعدى عن الصنف ده




المقطع السمكه وذلها ...... نيفر نيفر نيقر ....... مش محتاجه اققول دا ممكن تتبعتى بعثه للسرايه الصفرا يا ماما
........ الباشا اتربى على كده حوليه كتير ميعرفش يعيش من غير الارطه دى يتجوز اه ويستقر اه بس استحاله يتوب عن النقطه دى ومتقوليش انا حعمل وانا حسوى .......ده عيب اخلاقى فيه مش حتعرفى تغيريه

حبيب قلب مامته وننوس عنها كل شويه بنوته تكلمه فى التليفون ومامى طبعا مبسوطه بحبيب قلبها عارف بنات بعدد شعر راسه .... يا زين ما جابت الحقيقه بيقطع نفسه بجد عشان يلاحق على المعجبات

ساعتها لا حتخدى منه حق ولا من الست امه باطل هما الاتنين مش حريحوكى
.طب نعمل ايه بئا


انا اجولك ..............
المشاركة الأصلية كتبت بواسطة ward blady
خدى الميديم .......... يعنى خير الامور الوسط ......خديه راجل بجد لا عرف يخاف ولا عرف يبجح

عاش سنه وعرف وحب وحس بس بواحده بس اتنين ماشى لكن اورطه ما ينفعش
ده حيحافظ عليكى اوى وحيراعى ربنا فيكى وحيكون الخطر مش محوطه بقوه زى باقى الانواع الفاتت

اتربى بشكل صحيح محترم ومتربى صح لا على حرمان ولا على استهبال

يكون عارف حدود الله كويس وبيراعى ربنا فيها ..... مش من بتوع مثنى وثلاث ورباع

واهم حاجه انه يكون حنين عليكى وحنيته طبع فيه
عشان الرجل الحنين بيخاف اوى على مشاعرك ويخاف اوى يجرحك ويكون سبب فى انك تتوجعى بسبببه
المشاركة الأصلية كتبت بواسطة ward blady
نكمل ......... يعنى ايه خيانه .... يعنى علاقه بين اتنين شرعيه ويدخلها طرف تالت غير شرعى ده فى رائى الشخصى



انواع الخيانه ...............

خيانه جسديه .....ودى مش محتاجه كلام

خيانه ذهنيه ......... بمعنى

خياليه يعنى لا شافها ولا عايش معاها فى قصه حب من طرفين ولا حاجه ابدا بس فى باله على طول وبيفكر فيها على طول وممكن توصل فى بعض الاوقات لانه يتخيلها فى حضنه بدل مراته

ودى بتبقى خيانه فى بدايتها من طرفه هو بس
وللأسف فى النوع ده من الخيانه بتكون فى اغلب الاوقات الزوجه هى السبب الرئيسى فيه

لانها بتتكلم على واحده تانيه اودامه وتتجمل فيها وفى مفاتنها وانوثتها و...و...و....وتعلقه بيها وهى ولا فاهمه ده بالعكس بتفرح لو جوزها سأل عن احوال صحبتها او جارتها وتعتبر ده ذوق و اهتمام منه يستحق التقدير لانه مهتم بأدق تفاصيل حياتها وهى صحباتها

وتزيد فيها بءا يوم عن يوم بكل غباء وكأنه بيشوفها اودامه من غير اى حدود للخيال ومراته بتساعده فى ده بذاذاجتها

وطبعا مع الوقت خياله فيها بيعدى الحدود ورغبته فيها بتزيد ومع الوقت بيشتهيها ويتشد ليها بلا مقاومه وطبعا تتحول لخيانه


النوع التالت خيانه حسيه وعاطفيه ....... ودى الاكثر انتشارا للأسف

عن طريق النت اولا واخيرا وكمان الرسايل والتليفونات والحورات ..........ومع الوقت بتتحول لمشاعر والباشا يتلكك ويقول قلبى مش متحكم فيه ومش عارف ابعد عنها

وهى بردوا فى رائى شهوه اكتر من عاطفه ودى بتكون اكتر بين زملاء فى العمل اكتر من الشات والميل كمان
بيكون تعود فى الاول وبعدين ادمان واحتياج وبعدين كلام يجر لشهوه وبعدين خيانه ممكن متوصلش لتواصل جسدى بس فى الاخر بردوا خيانه

وفى الحالتيين الزوج بيكون فى البدايه مش فى باله اضرار لعبه الخيانه ال فى الاخر بيتضر للوصول لاخرها

زى الواقف اودام بحر هادى ورايق ودافى والموج بيزغزغ رجليه احساس رائع ولما يتحمس ويرمى نفسه فى احضان البحر

بيقلب عليه فى ثانيه ويبلعه ويرميه بعد كده بس بلا اااااااااااااا روح

تشبيهى قاسى بس مش بقسوه الخيانه


وكما قال نجم الجيل .... جوايا احساس بيموتنى ومشاعرى اعمل ايه فيها احساس بيخنوقنى واعمل ايه دى حاجه مقدرش اتكلم فيها

وخصوصا بعد ما بقى بنا حاجات ......لازم نكمل ونعيش ليهاااااااااااااا
..........................................يقصد لازم ندبس ونعيش ليها........ .................................................. ..

ونكمل ........

ربنا قالنا فى كتابه العزيز (((((( عسى ان تكرهوا شيئا وهو خير لكم))))))

هو فى ناس كتير بتعتبر ان الخيانه درس من الدنيا لينا
بنتعلم منه اخطائنا وبنتعلم منه ازاى نكون افضل فى حياتنا

فى ناس بتعتبر الخيانه موت وفى ناس بتعتبرها ميلاد لحياه جديده خاليه من العيوب

ارجعى قيمى علاقتك بجوزك تانى واعرفى انك لو عرفتى تغفرى وتسامحى حتكونى الاقوى والافضل منه

مش حكون ظلماكى ارجعى تانى بالورقه والقلم وشوفى انتى مقصره فى ايه ولو ملقتيش ولا هفوه منك

يبقى خدى قرارك بهدوء وعقل وراحه بال
خدى وقتك واعملى حدادك
اه متستغربيش لازم فتره الحداد دى عشان تقدرى تبدائى من جديد بشكل صح ومشاعر ايجابيه مش سلبيه
وتكون طول الوقت الخيانه اودامك وتعمل شرخ كبير فى علاقتكوم لاء احزنى وخدى وقتك وبعديين خدى قرارك

طب ازاى تعرفى ان جوزك بيلعب بديله ........
طبعا غير الاحساس ...طبعا احنا الستات عندنا الحاسه السابعه مش السادسه بس
فبيكون فيه شك طيب عايزه تتأكدى
انا اققولك ........

1...... غيابه عن البيت بشكل موفجىء والمبررات تبتدى تشتغل .....اصل ضغط شغل ....اصلى رايح مع صحابى مشوار ........انا على القهوه

2.........تغير الطبع والعادات ........كان بيقوم من النوم 9 الصبح بئا يقوم 7 عشان ينزل بدرى على غير العاده فى نشاط وحيويه

3........التطنيش وال لا مبالاه .........لاى حاجه تعمليها عشانه او عشان بيتكوا كله عنده عادى

4........ تغييره فى الشكل والستايل و تغيير اسلوب لبسه للاشيك والاغلى والماركات المعروفه والاصغر من سنه

5.........الكرم الزائد او العكس البخل الزايد ......يعنى بتحسى انى فى تغيير فى الناحيه الماديه معاكى يا بزياده عشان يرضى ضميره يا بالنقص عشان يعرف يبعزق على الهانم كويس

6........اهتمامه الغير معهود برشاقته وصحته وانه عايز ينزل الكرش ونوبه الفوقان المفجأه دى

7...... انفعاله الدائم على غير العاده معاكى او مع الولاد فى اى موضوع حتى لو تافهه

8........عدم التزامه بمسؤليته كا أب وتكبير دماغه عن الولاد بشكل ملفت للنظر

9.........تلكيكه بالشغل طول الوقت وان باله مشغول عليه وان فيه مشاكل وان بيته قرب يتخرب والافلام العربى ايها دى

10 ........نقده الدائم ليكى اهو كده تلاكيك مليون تلكيكه يمسكها عليكى فى اليوم واوقات النقد بيكون جارح كمان

خلاص كده ده فى حاله كل الرجاله عموما ......نضيف عليهم بءا رجاله الالفيه الجديده

رجاله الفيس بوك والتويتر واليو تيوب ههههههههههههه


المشاركة الأصلية كتبت بواسطة ward blady
بس دول بيكون اذكى طبعا من الرجاله العاديه بس على ميييييييييييين

بصى يا ستى خدى بالك من تغيره للموس دايما اول ما تقربى منه او تدخلى المكان

خدى بالك فى تغيير عدد الساعات ال بيقضيها اودام النت يعنى كان بيقعد ساعتيين بقوا 4 او اكتر

رغبته دايما انه يكون لوحده يعنى مش قاعد عادى فى وسطكوا لاء بيحب يقعد على رواقه ولو جيتى تغلسى عليه يوزعك بأى توزيعه تشغلك عنه وخلاااااااااااص

كده بئا يعنى فيه حاجه تقومى سياتك عامله الخطه الثلاثيه ايها
الدلائل والخطه والهدف

وكله من الميل والهيستورى بتاعه الجهاز
وحتى لو بيمسح اول بأول اكيد فى مره حينسى وحتمسكى الدليل بس انتى طولى بالك

انا بهدى النفوس اوى فى الموضزع ده بس انتوا عارفنى بحب افيدكوا والله وخصوصا انها خلاصه تجاربى انا شخصيا

مش مجرد كلمتيين عملتلهم قص ولزق وجبتهم فى موضوع

اما بدقلك نقوس الخطر وبقولك ازاى تتصرفى مش بس ازاى تعرفى لاء وازاى تصلحى وتعالجى وربنا يقويكى بجد الخيانه مره

طب تعالى فكيها وروقى كده واضحكى على القصص دى
ما هو شر البليه ما يضحك ..........

بنوته جميله متجوزه عن قصه حب وسافرت مع جوزها لدوله عربيه وكانت فى نتهى السعاده
لحد ما بداء جوزها يزيد فى دلعها على غير العاده

وبدل ما كان بينزلها تشوف اهلها مره فى السنه بئا ينزلها مرتيين تلاته
هى طبعا كانت فى الاول طايره من الفرح ومن كرمه الزايد معاها
وكل ده فاكراه ان حب وكرم وحنيه منه عليها

وفى اجازه من الاجازات اتصلت بيه قبل نزولها بأسبوع وقالتله انها حتنزل اليله عشان هو وحشها اوى
طبعا كان رد فعله عصبى جداااااااااااا
ولا فيه ريحه الرومانسيه ولا الحنيه ولا المداديه
وقالها انك تصبرى انا مش فضيلك ومشغول على الاخر وانا وانا ......

طبعا هى شكت بس مخونتش برده
ولما رجعت قابلها بفتور وقعد معها ساعه ودخل نام واتحجج بالارهاق فى شغله

طبعا هى شكت اكتر وسربت الفيران ال بتلعب على البيت كله عشان تجيب الدليل
بس ما وصلتش لحاجه
وعشان زى مال قولتلك لازم تكونى صبوره وبالك طووووووووووووووووويل

استنت لما جوزها فاجئه بتذاكر سفر بعد 3 شهور ومثلت عليه انها مبسوطه اوى
وبعد ما وصلها المطار هى مركبتش الطايره ورجعت على البيت

وبعد ساعتيين رجع وهو على اخره من العصبيه لانه كلم اهلها وعرف انها مسافرتش

وطبعا بمنتهى الهدوء ناقشته
وقالها انه متجوز عرفى وان مراته مش من البلد هنا وانها بتزل كل 3 شهور تقعد معاه الشهر ال هى بتكون فيه عن اهلها

طبعا بغض النظر عن ازاى اتحل الموقف
خدى بالك من طريقه الخيانه وشوفى بيدفع اد ايه عشان يعرف يخون بمزاج كمان يسفر دى ويجيب دى
روقاااااااااااااان ودماااااااااااااغ عاليه

وشوفى دى كمان ........ عبر يمكن نتعلم
المشاركة الأصلية كتبت بواسطة ward blady
هو زوج مثاااااااااااالى اخر حاجه

طيوب وحبوب وكميله خالص وعاقل وراسى كده

بس عليه دمااااااااااغ ايه عنب شوفى بيخون ازاى

البيه مذاكر كويس اوى لا بيتأخر برات البيت ولا بيقعد كتير على النت ومهتم بعائلته جدا جدا

بس متجوز من عشيقته فى الخباثه وهى عرفت منين

مره انا مع اصحابى ساعه تأخير متفرقش مره معزوم على الغدا مره ماما تعبانه وقاعد معاها شويه بس كل ده ومحافظ اوى على مواعيده مع مراته مبيتأخرش فسوه على رائى احمد حلمى عن مواعيده الرسميه منظبط الراجل ده اخر حاجه

والحجج مبتخلصش الحاسه السابعه اشتغلت وفى مره راحت الشركه وعملت نفسها بتسأل على اى حد وعرفت منهم المواعيد الرسميه للمرواح ههههههههه وال كانت قبل معاد وجود جوزها الرسمى فى البيت ومن سنيين.......... 3 ساعات

خرجت واستنيت معاد الانصراف ومشيت وراه واكتشفت ان البيه متجوز وبيروح لمراته يومياااااااااااااااااااااااااااااااا

يومياااااااااااااااااااااااااا بكررها تانى ومن سنيين 3 ساعات

شفتوا الدماغ عامله ازاى



.................................................. .......

ربنا يهدي جميع الازواج يا رب لبيوتهم وزوجاتهم الزوج الخاين موش بس بيخون مراته بس ده بيخون ربنا كمان فيه حاجات كتير بندبس ونستني عشانها بس العمر فيه قد ايه وهنعيشه كام مره عشان تبقي الحياه غصب في غصب..الله يكون في عونا جميعا ويقوينا ,,[i]

الزوج الخاين ليييه نضيع حياتنا عشانه