دلع نسوان موضوع للنقاش

*** دلع نسواااان***
يا صباح الفل

اتكلمنا كتير وحنتكلم اكتر هنا فى قسم معامله البهاوات عن الدلع وازاى تتعلمى الدلع وازاى تجددى فى الدلع وازاى تدلعى الدلع

بس كنت عايزه اسألك يا اخوتى كده فى سؤال

ألا الراجل تبعك الله يخلهولك رائيه ايه فى الدلع دلع ده العايش فيه ؟؟؟؟؟؟؟؟؟؟؟؟؟

بجد كلنا بنعمل ده وبنحبه جدا لان الانوثه والدلع فينا نحن النسوه جينات وراثيه طيب رائى الراجل ايه بئا عمرنا ما سألنا نفسنا هما شيفينا الزاى

هما مبسوطيين هما فرحنيين بس بيقولوا ايه علينا وعلى دلعنا ده مش بس الدلع انك تكونى معاه فى لحظاتك الخاصه دلوعه لاء ان يكون انطباع على كل حياتك بمفرادتها معاه

عشان ميحسش انك مصتنعه الدلع وبتقلبى خنشوره بعد ما تخلص المهمه المنشوده

طب ايه رائيكوا تسمعوا رئى الرجاله فى الدلع ............

دى احصائيه عارفينى غاويه ارقام وحسابات عن 100 راجل شرقى اتسألوا نفس السؤال ؟

بتحبها اذاى ؟؟؟؟؟ وانحصرت الصفات فى الذكاء والخجل وقوه الشخصيه والدلع والرومانسيه

طب تعالوا شفوا كده اغلب الاجابات كانت ايه ...............

احبها ذكيه ..........بعفويتها مش بلفها ودورنها
احبها قويه الشخصيه ........ بس فى اداره البيت والعيال مش فى صاحب البيت وابو العيال
احبها خجوله ........ بس فى المعقول مش تجبلى نقطه وسكر وضغط واحتمال ضعف نظر
احبها غيوره ......... بس بحدود مش امشى جمبها لوح خشب مغرى لا ابص يمين ولا شمال
احبها رومانسيه ..... بس مش اكتر من 10 دقايق مش تنقلنا من السرير لكوكب زحل ولا المريخ ورانا حاجات اهم تتعمل

واخيرا احبها دلوعه طبعا ...... بس متقلبش خنشوره فى دقيقه تفضل دلوعه بطبيعتها فى اختيارتها لهدومها ولبرفانها ولتفاصيل انوثتها وطبقه صوتها ودى الاهم طبعا

طاااااااااااايب ده رائى 100 راجل رائى رجلك انتى ايه بئا يا بيضه قولى قولى متتكسفيش اهو الواحد يعرف بردوا الدماغ فيها ايه وهو الكلام بيلزق ههههههههه حندلع بردوا

ونكمل رحله الدلع ,,,,,,,,,,, وعشان تصدقوا ان احنا منقدرش نعيش من غيره خدوا دى ...

دلع النسوان
عندها سنه ..... يا قلبى
عندها خمس سنيين ...... يا سكر
عندها عشر سنيين ........ يا قمره
عندها خمس تاشر......... يا عروسه
عندها خمسه وعشرين..... يا موزه
عندها خمسه وتلاتين ....... يا دلعو
عندها خمسه واربعيين ...... يا تقلو
عندها خمسه وخمسيين ....يا خبره
عندها خمسه وستيين ..... يا بركه
عندها خمسه وسبعيين ..... يا عجوزه
عندها خمسه وتمانيين ..... يا كركوبه
عندها خمسه وتسعيين .... انتى لسه عايشه يا وليه

يلا مستنيه رائيكوا فى الدلع عشان نكمل رحله الدلع .........................

حاااااضر هقولك من غير كسوف
بصى يا حبيبتى :اولا مصطلح الدلع ده بيختلف من آدم لآدم تانى
وده بيرجع لعوامل كتيرة منها الاجتماعية والثقافية والعلمية والبيئية
فما يعتبره البعض دلع ممكن يعتبره الاخر خلاف ذلك من قلة حياء او استفزاز..
اما بقى فلسفة جوزى عن الدلع فانا حاسة انها ممكن تكون مختلفة شوية وبعيدة عن تفكيرنا كبنات...
الدلع عند جوزى ان اكون انثى قلبا وقالبااا باظهار مشاعرى الصادقة نحيته
ولما اشكر له القليل ولا احمله الكتير
ولما اتغاضى عن عيوبه او اخطاؤه
ولما ابتسم فى وشه وافرح لقدومه
لما اضمه بحضنى الدافى اللى بينسى بيه همومه
لما اسعى على راحته
لما اسمع كلامه وانفذ اوامره
لما ابر بوالديه
لما احفظ فراشه وماله
ولما مسبهوش ينام وفى قلبه غضب منى
ولما اصحيه للصلاة واشجعه ع الخير واحذره من الشر
ولما افهم اللى هو عايزه من غير ما يتكلم
ولما ابعده عن اللى بيعتبره تفاهات نسوان قيل وقال
ولما ابعده عن المقارنات بفلان وفلانة
وانى اتفهم احتياجه كرجل
وان تكون مشاكلنا فى حدود بيتنا
يعنى مسمحش لاى مخلوق التدخل والافساد بنا
وطبعا ان يكون صوتى واطى وانا بكلمه
كمان اهتم بنظافتى ونظافة بيتى وولادى
واكون عارفة ان اجازاته عشان يرتاح مش للف فى الاسواق
يعنى احترم مبادؤه ولا اسعى لتغييرها او التمرد عليها




ايه رأيكم يا بنااات فى الدلع عند جوزى؟؟؟؟؟؟

الرجااااااااالة يا بنات مش عايزين شمعة مصنوعة تضئ لهم ليلة وبقية حياتهم نكد ومشاكل
لالالالالالالالالالا
كونى انت الشمعة اللى بتنور حياته وبيته

وكمان الراجل مش طالب اكلة تعمليهاله عشان تملا بطنه وقلبه جعان من المحبة
وحياته مفيهاش راحة وسعادة


ولا عايزين ليالى حمرا وحياتهم جحيم لا يطاق

ولا هدايا وهما بيهربوا من البيت عشان يبحثوا عن الهدوء
ولا الوان واصباغ وتجميل
انا مش بنكر ان الحاجات دى ضرورية بس فيه الاهم منها واحنا غافلين عنه يعنى عايزين حياتنا تكون كامله متكاكلة ان شاء الله