طريقه عمل فتة الكوارع علي الطريقة المصرية للشيف هدير

المقادير:

2 كوارع بقري
2 كوب ارز مصرى
8 او 10 معلقه كبيره سمن بلدى
1/2 كيلو طماطم
2 معلقه كبيره زيت
10 فصوص ثوم
2 مكعب ماجى
4 ملعقه كبيره خل
خبز اسمر حسب عدد الافراد
1 ملعقه صغيرة صغيرة ملح
1/4 ملعقه حلنجان
1/2 ملعقه صغيره بهارات
1/2 ملعقه صغيرة فلفل اسود
رشه قرفه

الطريقة:

1-يتم غسل الكوارع جيدا و توضع فى قدر مليء بالماء المغلى و بصله كبيرة ورشه فلفل اسود صغيره و 5 فصوص حبهان و 2 فص مستكه و عود قرفه صغير و يوضع القدر علي النار لمده ٤ او ٥ ساعات او الى ان تنضج الكوارع

2-بعد نضج الكوارع نضيف الملح و رشه فلفل اسود اخرى و يترك القدر على نار متوسطه الحراره لمده 10 دقائق و من ثم نخرج الكوارع فى صينيه فرن و نبشر طماطم تكفى كميه الكوارع و نضيف عليها ملعقه توم مفروم و ملح و فلفل اسود و ندهن بهذا الخليط الكوارع و نضعها فى الفرن تحت الشوايه مع التقليب حتى تحمر من جميع الجهات

3-تجهز حله متوسطه و يوضع بها 2 ملعقه من السمن و الزيت و مكعب ماجى ومن ثم يضاف الارز و الملح او يشوح لمده 5 دقايق و من ثم يضاف الماء بحيث يعلو الارز قليلا و يترك علي النار حتي يغلى و من ثم نهدئ النار حتى النضج

4-يتم فرم الثوم في المفرمه و تجهز حله صغيره للصلصه و يوضع بها ملعقتين من السمن ثم يضاف اليه ثلثى كميه الثوم و عندما يصبح دهبى فاتح

5-نضيف الطماطم و الفلفل الاسود و البهارات و الحلنجان و القرفه و 2 ملعقه من الخل و 1/2 كوب ماء و مكعب ماجي و تترك علي النار حتي ينضج الخليط او تغلى على نار متوسطه لمده 10 دقائق

6- فى طاسه غويطه يوضع ملعقه متوسطه سمن و يشوح فيها باقى الثوم حتى يصبح دهبى ثم نضيف له 2 ملعقه خل و مجرد ان يغلى الخليط نطفئ النار و نضيف هذا الخليط على الشوربه

8-ثم يقطع الخبز الي قطع صغيره فى حله و يضاف اليه 4 ملاعق سمن او اكثر حسب الحاجه و يتم تشويحه حتى يصبح مقرمش ثم نضيف قليل من مرق الكوارع المغليه حتي يتشرب المرقه و لكنه يظل محتفظ بقليل من القرمشه و يغطى لمده 5 دقايق ثم نضيف مغرفه من الصلصه على الخبز و يقلب جيدا و من ثم يضاف الارز المجهز الي الخبز و من ثم تضاف الصلصه و الكوارع على الوجه

** ممكن اتباع نفس الطريقه و استخدام اللحم الضانى بدلا من الكوارع **
** و ممكن وضع خلطه الخل والتوم بدلا من الصلصه و بكده تكون فته بالصلصه البيضاء**

طريقه عمل فتة الكوارع علي الطريقة المصرية للشيف هدير Images2cy

طريقه عمل فتة الكوارع علي الطريقة المصرية للشيف هدير Images3fp

» طريقه عمل الكشرى للشيف هدير
» طريقه عمل النجرسكو للشيف شربينى للشيف هدير
» طريقه عمل الارز بالزبيــــــــــــــــــب للشيف هدير
» طريقة عمل شكشوكة الطماطم بالبيض بالطريقة المصرية للشيف هدير
» طريقه عمل سجق إسكندراني للشيف هدير