طريقه عمل الكانيلونى للشيف هدير

صباح الفل على كل الحلوات الورود القمرات

انهارده هنعمل مع بعض لفائف الكانيلونى بالعديد من الحشوات المختلفة

(( مقادير العجينه ))

1- كوب و نصف دقيق منخول
2- ثلاث اكواب لبن بارد
3- ثلاث بيضات
4- ملح و فلفل اسود و رشه جوزة الطيب
5- نصف كوب زيت
6- كوب بشاميل من وصفة البشاميل للوجه
7-ملعقه سمن كبيرة
8- جبن رومى مبشورة او موزاريلا او كرافت مبشورة للتزين اختيارى

(( الحشوات ))

1- حشوه اللحم المعصج كما فى وصفة المكرونه بالبشاميل فقط ..
ممكن للتغيير اضافه بسله وجزر سبق سلقهم لمدة 5 دقائق فى ماء و ملح منغير تغطيه الحله للاحتفاظ باللون و تبريدهم بماء بارد

2- حشوه الجبنه البيضه و النعناع خفيفة و نستبدل فيها البشاميل بالجبنه رومى و طماطم مبشورة بالملح و الفلفل الاسود اختيارى ..

3- حشوة السبانخ و المشروم مغذيه و مفيدة للاطفال جدا و مكوناتها عبارة عن
بصله مقطعة ناعم -- حزمه سبانخ مغسوله جيدا ومصفاه و مقطعة تقطيع متوسط -- علبه مشروم صغييرة مصفاه و منقوعه فى المياه
ملح و فلفل و نصف ملعقه سوماء للتتبيل --3 ملاعق زيت زيتون
نشوح البصل فى زيت الزيتون فى طاسه عميقه لمدة دقيقتان ثم نشوح معه المشروم لمدة دقيقتان و من ثم نضيف السبانخ و التوابل
و نتركهم على نار هادئه من غير وضع الغطاء و لا ننسى ظبط الطعم بالتذوق حتى تتشرب السبانخ كل الماء و يظهر الزيت...

4- حشوة فالفراخ المسلوقه اوممكن استبدالها بالفراخ النيئه و يتم تقطيع اى من النوعين الى شرائح رفيعه بالطول مع المشروم
و البصل و الفلفل الاخضر و كالعاة نشوح البصل المقطع لمدة صغيرة فى ملعقتين زيت و نضيف الفراخ و نشوحها الى ان تتغير لونها ونتركها حتى تتشرب المياه.. ثم نضيف المشروم و الملح و الفلفل و قليل من البهارات والفلفل الاخضر المقطع و نشوحهم لدقيقتان و نضيف نصف كوب ماء للتسويه و نتركها مغطاه على نار هادئه حتى تتشرب كل المياه..

5- ممكن اختراع حشوه من المكونات الموجوده فى البيت زى البيتزا ممكن سوسيس او فراخ مسلوقه متبقيه عندك فى التلاجه مقطعين و زيتون اسود حلقات و فلفل رومى او فلفل الوان وقطع طماطم جامده و يخلطوا مع جبنه موزاريلا و يتم الحشو بهم و يتم التزيين بجبنه رومى مبشورة...

(( طريقه عمل الكانيلونى ))

1- فى طبق زجاج عميق نكسر البيض و نضيف له الملح و الفلفل الاسود و جوزة الطيبو نضربه بالمضرب السلك اليوى او الكهربائى ..
ثم نضيف اللبن البارد و يتم ضرب الخليط و نضيف الدقيق و نضرب كل المكونات لمدة 5 دقائق ليتكون لديكى سائل ثقيل نسبيا..
2- نأتى بطاسه تيفال صغيرة على نار هادئه ونضع فيها نصف ملعقه شاى زيت و عندما تسخن نصب فيها من المقدار بمغرفه صغيرة و ان لم يوجد فمقدار فنجان قهوة فى منتصف الطاسه ..و نضيف زيت للطاسه كلما شعرنا بان الزيت تشربته اقراص الكانيلونى....
3- نحرك الطاسه كما فى طريقه عمل البيض الاومليت و عندما تبدأ العجينه بارتفاع حروفها نحرك الطاسه لنجد ان العجينه تتحرك معنا نرفع قرص الكانيلونى على طبق من غير قلب العجينه..
4- بعد الانتهاء من الكميه كلها نبدأ بلف الاقراص مع وضع الحشوة التى نحب على شكل رول..
5- نرص الرولات فى صينيه مستطيله مدهونه بنصف مقدار السمن ..
6- نضيف على الوجه كوب الباشميل و نرش الوجه بالجبن الرومى و باقى السمن
7- نضع الصينيه فى فرن متوسط الحرارة لمدة 10 دقائق او ربع ساعة حتى يصبح الوجه دهبى اللون

و الف هنا على قلوبكم يا قمرات